اتعرف على ٨ موضوعات مستخدمي الفيس بوك مهتمين يقرأوا عنها

من كام اسبوع نزلت بوست على الفيس بوك سألت فيه الناس نفسهم إني اكتب عن ايه؟ ايه في دايرة اهتماماتهم..علشان اكتب عنه في مقالتي الأسبوعية كل يوم الخميس.. 

بما إني باحب القراءة والكتابة جدًا، والاتنين من وجهة نظري مكملين لبعض. الكاتب محتاج يكون قارئ علشان يلهم ويثري القراء. والقارئ يا ريت لو يفيد غيره بالكتابة ومشاركة تأثير الي اتعلمه من قراءاته ايه وازاي بيطبق اللي اتعلمه… وبما إني قارئة نهمة من ٢٠٠٥، بدأت بعد عشر سنين، من ٢٠١٥، اكتب علشان اشارك اللي اتعلمته وانفع بيه غيري.

الموضوعات اللي الناس اقترحتها كانت متعددة، جمعتها تحت ٨ عنواين:

١- الذات: الوعي بالذات، قيادة الذات، إدارة الذات، التعامل مع المشاعر، التعايش مع التغيرات القوية الي بتحصل في حياتنا، تنمية الذات، ازاي المشاعر ممكن تكون اضافة في الحياة (حتى المؤلمة) 

٢- الAttitudes: الفاعلية، الانضباط، الدافعية الداخلية، المثابرة، الاستمرارية، التعامل مع الإخفاقات، مقاومة الملل، التركيز وعدم التشتت، المحافظة على الطاقة، التوازن بين الحياة الشخصية والعملية

٣- العلاقات: الأسرة والترابط بين افرادها وازاي يكون بينهم تعاون وتقدير، التربية وتأثيرها على الطفل ونفسيته، 

٤-الشغف: اكتشافه 

٥- تجربتي الشخصية: الإستراتيجيات اللي طبقتها في حياتي، اشد الناس الملهمة ليا واثروا في حياتي وعملت ايه بالتأثير ده، الإسهامات من جلسات التأمل، ازاي نتدرب على التأمل، يومياتي والرفلكشن بعدها 

٦- الثروات الحقيقية: الوقت والصحة

٧- الكتب: اكتر حاجة استفدتها وطبقتها من كل كتاب، ازاي نكتب رواية وازاي نكتب كتاب، ازاي نطبق اللي بنتعلم 

٨- النجاح: ازاي ناخد قرارات، ازاي نحدد أهداف ونوقن إنها فعلًا اهدافنا وازاي ناخد خطوات جدية في تنفيذها

جمعت المقترحات ولاقيت الموضوعات ممتعة وشيقة.. فكرت في الموضوعات ولاقيت فيه موضوعات هي مجال شغلي ودراستي وتطبيقي وشغفي ورسالتي وسعيي.. موضوعات هي منطقتي.. اللي باحب اقرأ عنها واتعلم عنها واكتب عنها واعلم الناس عنها..

ولاقيت موضوعات تانية مريت بيها بشكل شخصي، انما مش مجالي، يعني فيه ناس متخصصة عني الأفضل هي تكتب عنها.. زي مجال التربية والترابط الأسري.. 

ومن هنا و بعد ما راجعت الموضوعات اكتر من مرة، قررت ابدأ الكلام عن موضوعين باشوفهم مكملين لبعض.. الذات والattitudes .. 

الأول خليني اشرح يعني ايه Attitude؟

 In psychology, an attitude refers to a set of emotions, beliefs, and behaviors toward a particular object, person, thing, or event. Attitudes are often the result of experience or upbringing, and they can have a powerful influence over behavior. While attitudes are enduring, they can also change.

يعني ايه الكلام ده؟ 

يعني في علم النفس ، يشير ”الموقف“ إلى مجموعة من العواطف والمعتقدات والسلوكيات تجاه شيء أو شخص أو شيء أو حدث معين. غالبًا ما تكون المواقف ناتجة عن الخبرة أو التنشئة، ويمكن أن يكون لها تأثير قوي على السلوك. وبينما تستمر المواقف، فإنها يمكن أن تتغير أيضًا.

نرجع تاني للذات.. من خلال شغلي على نفسي، وشغلي في التربية والتعليم لقرب العقدين - العشرين سنة - ومن خلال شغلي لسنوات في التدريب والكوتشينج اقدر اقول بمنتهى التواضع والبساطة إن لب الموضوع في الحياة يكمن في ال Attitude أو الموقف زي ترجمته غير المعبرة بمصطلح ”موقف“. إنما المعبر هو إن المعتقدات والعواطف و السلوكيات زي الكومبو كده اللي مواقفنا في الحياة بتعبر عنه أو بتعكسه. 

بما إني مدرسة في الأصل والتدريس بيجري في دمي، باحب اشرح بأمثلة…

- المعتقدات: أمي الله يكرمها علمتني من وأنا صغيرة جدًا إن ”لكل مجتهد نصيب“، و“من جد وجد“ و“من زرع حصد“… جمل كررتها كتير جدًا معايا وقدامي واتصرفت بيها وكررتها على اولادي وبالتالي تحولت عندي لمعتقدات، بقيت مصدقاها.

 - العواطف: من وأنا طفلة باحب الرياضيات جدًا، كان عندي مدرسين بيحبوا المادة ونقلوا حب المادة دي ليا، وأمي كانت بتحبها جدًا واختي الكبيرة كمان، وبالتالي كبرت في وسط بيت بيحب الرياضيات ومدرسين شغوفين بالمادة ومعتقد إن من جد وجد ومن زرع حصد. الاتنين مع بعض تحولوا لسلوك

- السلوك: بقيت بذاكر واحل واركز في الفصل اكتر و اطلب من اختي مساعدة في اللي صعب عليا. والنتيجة إن بقى عندي موقف/Attitude

يعني طريقة بذاكر بيها المادة، فيها حب، حماس، مثابرة، التزام، اجتهاد، تركيز، تحديد هدف والسعي له وتحقيقه بفضل ربنا، زي ال ١٠٠٪ في ثانوية عامة في الرياضيات - قسم علمي عام، لأن سنتي ماكانش فيها علمي علوم وعلمي رياضة…١٠٠٪ هدف حققته ومدرستي في ثانوية عامة كانت متأكدة إني احققه لأنها كانت شايفة My attitudes

ممكن حد تاني يحقق نفس الهدف، انما ب موقف/Attitude مختلف خالص.. 

أم علمت ولادها إنهم احسن من غيرهم، وإنهم ”لازم“ يجيبوا أعلى من غيرهم وإن ولادها ”هي“ لازم يجيبوا الدرجات النهائية. الأم حاسة بعصبية وضغط، وبتضغط على ولادها، وهما بقوا عصبيين، بيتصرفوا بعنف في المدرسة تجاه اللي يجيب درجة اعلى، بيسهروا ومش بيناموا كويس علشان ما تفوتهمش درجة، مش بينزلوا الفسحة علشان يطلبوا مساعدة المدرس، بيغشوا في الإمتحان لأنهم لاقوا سؤال مش عارفينه وأمهم قالت ”لازم“ النمرة النهائية. جابوا في النهاية النمرة النهائية :١٠٠٪

هل الموقفين زي بعض؟ 

الرد المنطقي لأ طبعًا، النتيجة واحدة صحيح (١٠٠٪) إنما المشوار، السعي مختلف، المعتقد والشعور والسلوك مختلف اختلاف واضح بَيِّن.. ال موقف/Attitude مختلف خالص

(للتعرف على قائمة المواقف الإيجابية Positive Attitudes اضغط اللينك ده)

https://amojolife.wordpress.com/resources/positive-attitude-list/

طيب ايه بقى علاقة ال موقف/Attitude بالذات؟

من سعيي لقيادة ذاتي من منتصف العشرينات لمنتصف الأربعينات نورت معايا لمبة مهمة جدًا.. 

إن أول وأهم نقطة في موضوع الذات هي تعلم قيادة الذات، ازاي اخلي ذاتي تتحرك وتوصل للي نفسي فيه.. لهدف، لغاية، لرسالة…

طيب اقود ذاتي ازاي؟ 

أول خطوة هي إني يكون عندي وعي.. وعي بمعتقداتي، مشاعري، سلوكياتي، وعي بمواقفي  My attitudes واصنفهم ايه مساعدني، ايه معطلني، ايه محتاج يتغير، ايه محتاج يتعدل، ايه محتاج يتحسن، ايه محتاج يستبدل.. ايه؟ 

وده السبب اللي خلاني اختار الموضوعين دول مع بعض، الذات والموقف/Attitude

من احسن المتحدثين اللي الهموني جدًا في الموضوع بتاع الموقف/Attitude

هو جيم رون..

جيم رون له فيديوهات مجانية على اليوتيوب وله كتب سمعية على Audible 

احد الفيديوهات المفضلة عندي له بيتكلم فيه عن الثقة بالنفس، ١٠ حاجات نعملها يوميًا لتنميتها 

اللينك بتاع الفيديو هنا:

https://youtu.be/gh-TucLPy_U

معاكم كل خميس في موضوع قيادة الذات ممزوج بالحديث عن الموقف/Attitude

#قيادة_ذات

#كتابة

#قراءة

#تعليم

#تطبيق

#مجتمع

#كن_إنسانًا

#سيب_اثر