غريزة بتتحكم فينا فوق إدراكنا وأثرها على حياتنا
المرة اللي فاتت قلنا بسم الله وبدأنا السلسلة الجديدة..
سلسلة من الألف للياء..
واول حرف كان حرف الألف..
المرة دى كمان نقول بسم الله
ونتكلم عن حرف الباء..
حرف محوري لما الإنسان، اللي اتكلمنا عنه في حرف الألف، بيستوعب الكلمة الي هتكلم عنها النهارده..
كلمتنا هي كلمة "بقاء"..
غريزة عند الإنسان.. اتولد بيها..
غريزة البقاء..
والغريزة دي بتتحكم في كل حد فينا، في كل إنسان، بشكل فوق ادراكنا..
غريزة محفورة في ال
DNA
بتاعنا.. وتصرفات كتير عندنا نابعة من الغريزة دي..
DNA
بتاعنا.. وتصرفات كتير عندنا نابعة من الغريزة دي..
زمان الإنسان الأول بيحتاج ينتبه لحاجات كتير.. اصوات شجر معناها حيوان مفترس بيقرب..
اصوات هواء معناها عاصفة هتقوم..
بيشوف غيوم يفهم ان المطر هينزل..
وبالتالي مخه في حالة انتباه طول الوقت.. زي اللي ماسك درع ومستعد للهروب من الخطر..
كل ما حواسه تلاحظ حاجة، يتفرز في مخه هرمون الخوف.. وجسمه يتشد او ضربات قلبه تزيد..
وكل اللي يفكر فيه هو البقاء.. غريزة البقاء.. انه ينفد بجلده علشان يعيش..
وانه يلاقي مكان آمن يعيش فيه..
ومع الوقت اتسجلت عندنا، عند كل حد فينا كبشر، ان التغيير ده حاجة مخيفة..
واننا محتاجين نفضل في مكان آمن علشان نحافظ على حياتنا..
ووصلنا لإيه؟
إن كتير مننا بسبب غريزة البقاء..اللي هو مش مدركها..
وبسبب ان التغيير بيفرز عنده هرمون الخوف، مش بس التغيير، التفكير في التغيير..
بقينا عايشين ومش عايشين..
كتير منا عايشين مع ناس منهم ناس سامة.. وخايفين نبعد عنهم.. عايزين نفضل منضمين لمجموعة.. لأنه لو بقينا لوحدنا آمننا هيتهدد
كتير منا عايشين بيشتغلوا شغل مابقاش مناسب لهم.. او مش حاسسين انهم بيقدموا من خلاله قيمة او مش بيكبروا ويتطوروا فيه.. وخايفين يسيبوا الشغل.. ويسيبوا منطقة الآمان.. كل ما يفكروا يسيبوا، مخهم يفرز هرمون الخوف ويقول لهم كده بقاءنا هيتهدد، تغيير ايه يا عم..
كتير منا عايشين بياكلوا اكل مش مريحهم.. ولا مناسب ومفيد لصحتهم.. انما عايشين متمسكين بيه لان اي تغيير بيهددهم.. بيهدد غريزة البقاء..
سؤال بقى.. هل دي عيشة؟
وهل دورنا على الأرض، هل دور كل حد فينا البقاء، البقاء بس؟
المرة اللي فاتت اتكلمنا عن السعي..
وان دورنا الأساسي هو السعي..
سعينا اخباره ايه؟
بنسعى في مساحة متر في متر بقى لنا سنين لأن غريزة البقاء وهرمون الخوف مكلبشنا؟
ولا بنسعى باستعانة ويقين وشجاعة؟
خلينا نفكر في دروس ربنا سبحانه وتعالى…
لو كان أم موسى عليه السلام استسلمت لغريزة البقاء ما كانتش رمته في اليم..
لو كان سيدنا ابراهيم عليه السلام تمسك بغريزة البقاء ما كانش كسر اصنام ولا طلع من النار سليم..
ولو كان عيسى عليه السلام استسلم للبقاء ما كانش استسلم للصلب..
ولو كان محمد عليه الصلاة والسلام تمسك بالبقاء ما كانش صمد في الغار هو وابو بكر رضي الله عنه
ولو كان عليّ رضي الله عنه تمسك بالبقاء ما كانش نام مكان سيدنا رسول الله
حرفنا المرة دي عن البقاء والاعيبه..
كل مرة نفكر ناخد حطوة ونخاف ونتردد خلينا نسأل نفسنا سؤال واحد
هل التردد ده من عقلنا ونابع من غريزة البقاء..
ولا التردد ده من قلبنا ونابع من "استفت قلبك وان افتاك الناس وافتوك" ومن رغبة في السعي كإنسان بيعبد رب الأنام..
باء بقاء.. بقاء للسعي..
#من_الألف_للياء٢_باء
#مقالة_اسبوعية
#حروف
#كلمات
#قراءة
#استماع
#تواصل_فكري
#تفاعل_عاطفي
#رقي_انساني
#سعادة_مصر
#كن_إنسانًا
#إيمان_رفعت
بعاداتي باصمم حياتي
سلسلة بعاداتي باصمم حياتي - ١٧ حلقة هدية للتعرف على كيفية تبني العادات والإلتزام بها
