زوبعة في الفنجان

على مدار 20 اسبوع كتبت عن تصرفات مدمرة..

بتأثر على علاقاتنا، على نفسيتنا،

على نمونا، على نضجنا النفسي،

بتأثر على أفكارنا ومشاعرنا،

على ثقتنا بنفسنا، على ثقة بغيرنا،

بتأثر على قيمنا، ورغباتنا..

بتأثر على سعينا وطموحنا..

على مدار الأسابيع كتبت وانا بتمنى

اني اعمل زوبعة في فنجان..

عشان الناس تبدأ هي كمان تفتح قلبها وتشارك 

تصرفات مدمرة هي شايفاها من وجهة نظرها..

عشان نشارك بعض ونتعلم من بعض..

مش هدفي انه يكون حوار من طرف واحد..

هدفي انه يكون حوار جماعي..

الناس فيه تبدأ تكتب وتتكلم وتقول ايه تصرفات مدمرة مرت بيها

او شافتها..

ليه بتمنى اعمل الزوبعة دي؟

عشان نرفع الوعي الجمعي،

ونبدأ نراجع تصرفاتنا مع اقرب الناس لنا..

ومع زمايلنا واصحابنا..

وعشان نبص جوا..ونشوف هل احنا نفسنا عانينا من تصرفات مدمرة..

سواء من اهلنا او من مدرسينا او من ازواجنا..

ولو عانينا، نطلب علاج نفسي..

عشان نطيب..

المجتمع ما هو الا مجموعة اسر..

والأسرة ما هي الا مجموعة افراد..

ولما فرد يطيب، الأسرة بتتحسن وبالتالي المجتمع بيتحسن..

بتمنى من كل قلبي اننا نسعى اننا نطيب..

لأن الأجيال الجديدة بقت تعبانة قوي.. بسبب التفكك الأسري ونسبة الطلاق العالية..

خلينا نجدد نيتنا..

ونسعى اننا نطيب لله..

ونحسن تصرفاتنا لله..

وكل سلسلة مقالات واحنا طيبين وبخير..

#تصرفات_مدمرة_خاتمة