طريق ولا سهل ولا صعب.. طريق ايه؟

بعضنا بيفضل ياخد الطريق السهل..

والبعض الأخر بيختار الطريق الصعب..

وأنا، بعد ما شعري شاب.. بقيت بفكرني ولا اخد الطريق ده ولا الطريق ده..

لا الصعب ولا السهل..

امال اخد ايه؟

اخد الطريق الصح..

طبعًا الصح ده موضوع نسبي..

يعني الطريق الصح وأن لسه في بيت اهلي..

غير الطريق الصح وولادي لسه اطفال صغيرة..

غير الطريق الصح وولادي في الجامعة..

غير الطريق الصح وأنا على ابواب الخمسين من العمر..

وشعري زما ما نتم عارفين شاب..

بعد ما شعري شاب صديق عزيز عزمنا في العزبة بتاعته أنا وزوجي ومجموعة من اصدقاءنا..

هناك اتعرفنا على ناس جديدة..

واحدة منهم كانت كوتش زيي..

اتكلمنا عن نظام الشغل.. وازاي بتدير جلساتها ومنين..

ومين الفريق اللي بيشتغل معاها وتفاصيل تانية كتير..

بعد اللقاء ده قعدت مع نفسي ولاقتني بفكر..

فكر اني اعمل تحديث نظام شغلي..

اني اخد الطريق الصح الأنسب ليا بعد ما شعري شاب..

وبعد دخولي مرحلة جديدة مع اختلاف الهرمونات..

جبت الجورنال بتاعي وبدأت اكتب اللمبات اللي نورت معايا من حواري مع الكوتش اللي اتعرفت عليها..

وكتبت ايه حاليًا بقى مرهق ليا في نظام شغلي.. 

وبقى طريق صعب، مش صح زي قبل كده..

وكتبت حوار بيني وبين جسمي..

اسمع منه هو تعبان من ايه ومحتاج ايه..

ولاقتني بقرر اقلل نزولي للمكتب..

وازود شغلي من البيت..

ولاقتني بكتب في اولوياتي اني ابدأ تقديم خدمة جديدة في ٢٠٢٤ 

بالدراسة الأخيرة اللي اخدتها في مجال الكتابة العلاجية..

ولاقتني بقرر اني اقدم الخدمة دي بشكل يناسب مع شعري اللي شاب..

ومع الطريق الصح اللي جسمي وضحه ليا..

لاقتني بفكر قد ايه دراستي للCBT او العلاج السلوكي المعرفي فرقت معايا أنا شخصيًا، 

وازاي اتعلمت منها اني اتبنى عقلية النمو..

ولاقتني بفكر في بدائل تخليني افضل اشتغل واتطوع واتمرن واستمتع..

وانا على الطريق الصح ليا وللمرحلة الجديدة..

وفي رمضان ٢٠٢٤ كنت بقدم اول ورشة اونلاين ليا في الكتابة..

والمشتركات بيتعلموا معايا ازاي يعبروا عن نفسهم وازاي يمارسوا اساليب كتابة متعددة ومختلفة علشان يحسنوا حياتهم..

ولاقتني وانا بخلص اول مجموعة كتابة، بقدم لي بوكيه ورد وكارت..

بشكرني فيه اني اخدت الطريق الصح.. وبحترم جسمي وصحتي في المرحلة الجديدة..

وبستمتع بشغلي وحياتي..

وانا في حالة حماس ورضا..

وبعد شهر رمضان الكريم.. 

صديقة عزيزة ليا دعتني اجرب معاها حاجة.. 

والحاجة اخدتني لمكان ما كنتش اتخيل اكون فيه.. وبعمل فيه اللي بعمله..

ايه المكان وكنت بعمل ايه؟

تابعوني المرة الجاية مع بعد ما شاب..

#بعد_ما_شاب_٢٤

#العمر

#التعلم

#النمو

#السعي

#التغيير

#الشجاعة

#الجرأة

#الحماس

#الصحة