من شب على شئ شاب عليه

#بعدـماـشاب 

مقدمة

من شب على شئ شاب عليه…

وبعد ما شاب ودوه الكتاب..

مثلين من الأمثال اللي اترسخت في عقولنا..

كتير بناخد الأمثال دي كمسلمات.. وتتحول لمعتقدات ونتصرف وفقًا لها، بدون تفكير..

مثلًا عمر بن الخطاب رضي الله ما شب على الكفر.. وشاب على الإسلام..

عامة الأمثال الشعبية مش موضوعنا..

موضوعنا هو الشاب… مش الشاب الصغير، لأ..

موضوعنا اللي شاب.. يعني شعره شاب..

سلسلة جديدة من المقالات بإذن الله هكون معاكم فيها..

كل يوم خميس زي عادتنا..

السلسلة بعنوان #بعدـماـشاب 

فيها بإذن الله هتناول المرحلة الأربعينية

من واقع تجربتي مع سن الأربعين..

ايه حصل قبلها..

ايه اتعلمته عنها وفيها..

ازاي تعاملت مع المرحلة دي..

مين الهمني وفي ايه..

استمتعت بإيه واتصدمت بإيه..

مشاعري كانت عاملة ازاي.. وافكاري ودتني فين وجبتها منين..

السلسلة دي لمين؟

مش الناس اللي شابت وبتقول "هو بعد ما شاب يودوه الكتاب؟"

لو انتي او انت من الصنف ده، السلسلة دي مش علشانك..

السلسلة دي علشان ناس مستعدة تروح الكُتَّاب والملاهي وتسافر وتتطوع وتستمتع بحياتها.. 

بعد ما شابت.. سواء شابت فعلًا وطلع لها شعر ابيض.. 

او شابت معنويًا ونفسيًا بغض النظر عن لون شعرها..

تبعوني بإذن الله كل خميس مع 

#بعد_ما_شاب_مقدمة

#العمر

#التعلم

#النمو

#السعي

#التغيير

#الشجاعة

#الجرأة

#الحماس

#الصحة

#الفاعلية

#عيش_حياتك_صح