لا دي بتاعتي... لا ده بتاعي...

أنا عايزك ليا، ليا أنا بس..ليا لوحدي..

تبقي بتاعتي..

جملة بقف عندها..

بشوفها صادمة.. مخيفة…

واكتر حاجة مخيفة فيها اها بتتقال في اطار رومانسي..

حبيب بيقول لحبيبته انه عايزها له لوحده.. تبقى بتاعته..

أو بنت تقول لخطيبها انت بتاعي انا بس..

كلام عجيب..

يبان عاطفي، حلو..

انما كلام بيدل على اضطراب نفسي..

وبيضرب جرس انذار صارخ ان فيه مشاكل جاية..

مشاكل محورية..

فكرة التملك..

ممكن الإنسان يمتلك شئ..

عربية، بيت، فانوس، محفظة..

شئ.. جماد..

انما فكرة إن الإنسان يتخيل او يعوز يتملك شخص..

والأبشع ان الطرف الأخر يكون مواقف انه يتحول لشئ يُمتلك؟

خلينا نقف عند الأساس.. 

وهو ان اصلًا كل حد فينا مش ملك نفسه.. لا يملك نفسه..

كل حد فينا بتاع ربنا..

وربنا، اللي خلقه استخلفه في الأرض..

وخلقه لرسالة.. لدور..

تيجي واحدة ربنا خلقها لها ادوار..

بنت وزوجة وام وممكن بتشتغل طبيبة ولا مدرسة..

يجي العريس يطلب مها في لحظة غرام انها تبقى بتاعته.. ملكه..

وهي توافق.. بدون استيعاب ان فيه تشوه فكري عنده..

فيه حالة عدم نضوج نفسي.. 

من الأخر، فيه حاجة غلط..

وطبعًا نفس الكلام.. للبنت..

اللي تتخيل ان زوجها هيكون لها بس.. مش ابن ولا اخ ولا زوج ولا عم..

كنت بتفرج على مسلسل من فترة مع زوجي العزيز..

وزوجة متضايقة قوي ان زوجها بيساعد اخته المطلقة وابنها..

وبتقول له احا عيلتك، مش هما!! 

ما هذا العبث؟

هذا العبث بدايته كلام شاعري اسمه انت بتاعتي وانا بتاعك 

اتنين اطفال مش مستوعبين ان كل حد فيهم علشان يتجوز 

محتاج يتصرف كفرد عاقل بالغ 

ان كل حد فيهم هيتحاسب عند ربنا لوحده..

له ذمة مالية منفصلة..

اسمه بيفضل زي ما هو (الزوجة مش بتغير اسمها لما تتجوز زي عند الغرب) 

وتبعات الموضوع الرومانسي ده..؟

احباط..

ست غير ناضجة متخيلة ان جوزها بتاعها..

بتراقبه.. بتتحكم في تصرفاته..

بتقول له يكلم مين ويخاصم مين..

الأول ومع زهو البدايات بيحس ان ده حب، 

اهتمام، غيرة.. 

وبعد شوية يحس بالخانقة..

ويحس ان مراته امه مش مامته..

وهي؟ 

وهي بعد شوية تحس بانها مقيدة..

فقدت حريتها..

ومع الولاد وشغل البيت تقول انا بقيت خدامة بلا اجر..

بقيت عبد..أمة..

ونبدأ في سلسلة من التخوين والخناق، والإعتراض..

ورمي التهم زي انت اتغيرت وات اتغيرتي..

ما بُنِيَ على باطل فهو باطل..

انت كائن حر..

مش بتاع حد في الدنيا..

وانت في الدنيا عبد..

عبد لله، نفسك من غير ربنا لا تملكه..

وانت في الديا حرة..

مش بتاعت زوجك ولا اهلك..

ليكي حرية الإيمان.. حرية اختيار الزوج،

حرية العمل، حرية التصرف في فلوسك..

وانت مع كل الحريات دي أمة لله..

لا تكلمي انك تبربشي لو ربنا اراد غير كده..

انت وهي..

افتكروا كويس..

مفيش حد بتاع التاني..

الكلام ده زي صوت عربية المطافي..

والعاقل بدل ما يحاول يطفي الحريقة..

يتجنب ان المكان يولع من الأول..

ده

العاقل..

يا ترى كم حد عاقل.. وك حد……؟

 #اتجوز؟_٣٤

#الزواج

#المجتمع

#السنة

#اﻷسرة