زواج رسمي بين اطفال تحت سن العشر سنين

من كام سنة سمعت مصطلح "الطفل الداخلي" في تركيبة الإنسان النفسية..

الموضوع اثار فضولي وبدأت اقرأ فيه..

واعمل تمارين للتواصل مع طفلي الداخلي..

وشوية بشوية بقى عندي وعي اكتر بيه..

وفي مرة كنت بتكلم مع شيري اختي على حاجة مضايقاني من واحدة عزيزة عليا..

شيري ردت سألتني لما بتتكلمي معاها بتتكلمي كإنسان كبير ولا بتتكلمي كطفل؟ 

يعني اللي بيتكلم هو الجزء البالغ العاقل مني ولا طفلي الداخلي؟

السؤال نور عندي كشاف كبير.. وأدركت ان الغلط مني انا.. 

إني فعلًا بتصرف كطفل.. مع الست دي مش كشخص بالغ..

بدأ الموضوع يلفت نظري..

بالذات في العلاقات الأسرية، والزوجية..

لما الزوج بيتصرف كطفل، بيتزرز ويتقمص والست تحايل فيه.. 

ده كده طفل مش راجل..

فعلًا بيكون الطفل الداخلي هو اللي بيتصرف.. مش الراجل ابو شنبات..

لما الست بتروح تجيب حلويات وهي زعلانة وتاكل شيكولاتة ومصاصة..

بتكون بتهدي طفلها الداخلي زي ما اهلها كانوا بيعملوا معاها.. 

بدل ما تتواصل مع مشاعرها، تروح تاكل حاجة حلوة وتبطل عياط..

ايه علاقة ده بسلسلة اتجوز؟

تخيلوا كده طفل عنده ٦ سنين قال لأهله عايز اتجوز، ينفع؟

لأ.. 

ليه، لأنه محتاج يكون بالغ عاقل..

طيب هو فيه ناس سنها في البطاقة حاجة ونضوجها النفسي حاجة تانية..

يعني مثلًا راجل وفقًا لشهادة ميلاده سنه ٣٠ سنة وفي الحقيقة يتصرف كطفل عنده ٨ سنين..

بيغضب ويثور ويكسر ويشتم.. 

لو طلب حاجة واتأخرت أو ما حصلش علي اللي عايزه..

وفيه ست وفقًا لشهادة ميلادها عندها ٢٥ سنة 

وفي الواقع بتتصرف كطفلة عندها ٦ سنين 

جعانة استماع وطبطبة وأنها تتشاف وبتشحت كلمة اهتمام..

لأن طفلها الداخلي متألم وموجوع..

تخيلوا الإتنين دول يتجوزوا..

تخيل فرح لواحد عنده ٨ سنين وواحدة عندها ٦ سنين؟

كوميديا ساخرة طبعًا..

للأسف ده أحد الأسباب الجوهرية لتفكك البيوت دلوقتي ولزيادة نسبة الطلاق..

إن الزوجين شكلهم كبير انما الطفل الداخلي بتاع الزوج والطفل الداخلي بتاع الزوجة ماسكين في بعض..

خناق على تفاهات، دي لعبتي ولا لعبتك..

واحدة من اللي بيحضروا معايا ورش عمل بقدمها شاركتني ازاي نفسها تقدم دعم للمتزوجات 

وتعلمهم ازاي يتعاملوا مع المشكلات البسيطة جدًا، لأن الناس بقت بتتطلق على حاجات تافهة..

ممكن تتحل ببساطة..

طيب خلينا نرتبها..

• طفلة داخلية موجوعة، متخيلة ان زوجها هيلعب دور الأب والأم كمان ويعوضها احتياجاتها النفسية اللي اتحرمت منها

• زوجها، طفله الداخلي موجوع ومتخيل ان مراته هتلعب دور امه وتوفيه احتياجاته اللي اتحرم منها 

• اتجوزوا وكل واحد فيهم مش لاقي إشباع للإحتياجات دي

• بيغضب ويحزن ومش عارف اصلًا يتعامل مع مشاعره ازاي ولا يعبر عنها صح ولا يديرها صح

• يتخانق مع شريك حياته (طفلين في عراك مع بعض)

• يروح شغله مهموم وهي تقعد تشتكي 

• والناس تسخنها وتقول لها اوعي تسكتي له.. اعملي كذا وكذا

• وهو الناس تقول له ما هو الزواج نكد.. كان عليك من ده بإيه؟

• وتدور الأيام ولما يحتكموا للأهل، الأهل (كتير منهم للأسف) مفيش منهم رجل رشيد يعقلهم

• ولو فيه رجل رشيد.. ما هو الأطفال مش بيستوعبوا العقل والمنطق..

خاطبوا الناس على قدر عقولهم..

الراجل اللي نفسيًا عنده ٨ سنين محتاج حد يخاطب طفله الداخلي..

والست اللي عندها ٦ سنين محتاجة حد يخاطب طفلها الداخلي..

علشان يوصل الخطاب وتبقى الجوازة ناجحة بين ٢ عقلين..

عايز تتجوز؟

روح الأول تعامل مع طفلك الداخلي .. 

روحي طيبي الأول..

لو الأرض مش تمام والبذرة مش تمام ازاي نتوقع ان تطلع لنا ثمار طيبة؟

ولو متجوز؟

ركز كده في تصرفاتك انت بتتصرف كبالغ عاقل ولا كطفل؟

واللي قدامك بيتصرف كبالغ عاقل ولا كطفل..؟

وطبعًا بالذات بالذات مع زوجتك..

لو لاقيت نفسك مش تمام، عالج طفلك الداخلي..

هتستقيم علاقاتك في البيت والشغل والشارع..

واهم من اي شئ علاقتك بنفسك هتطيب..

ياللا مستني ايه؟

ابدأ ركز ولاحظ..

(الصورة دي صورتي وأنا طفلة.. الفرق واضح بين الطفل والبالغ العاقل)

 #اتجوز؟_٣٢

#الزواج

#اﻷسرة

#المجتمع

#السنة

من كام سنة سمعت مصطلح "الطفل الداخلي" في تركيبة الإنسان النفسية..

الموضوع اثار فضولي وبدأت اقرأ فيه..

واعمل تمارين للتواصل مع طفلي الداخلي..

وشوية بشوية بقى عندي وعي اكتر بيه..

وفي مرة كنت بتكلم مع شيري اختي على حاجة مضايقاني من واحدة عزيزة عليا..

شيري ردت سألتني لما بتتكلمي معاها بتتكلمي كإنسان كبير ولا بتتكلمي كطفل؟ 

يعني اللي بيتكلم هو الجزء البالغ العاقل مني ولا طفلي الداخلي؟

السؤال نور عندي كشاف كبير.. وأدركت ان الغلط مني انا.. 

إني فعلًا بتصرف كطفل.. مع الست دي مش كشخص بالغ..

بدأ الموضوع يلفت نظري..

بالذات في العلاقات الأسرية، والزوجية..

لما الزوج بيتصرف كطفل، بيتزرز ويتقمص والست تحايل فيه.. 

ده كده طفل مش راجل..

فعلًا بيكون الطفل الداخلي هو اللي بيتصرف.. مش الراجل ابو شنبات..

لما الست بتروح تجيب حلويات وهي زعلانة وتاكل شيكولاتة ومصاصة..

بتكون بتهدي طفلها الداخلي زي ما اهلها كانوا بيعملوا معاها.. 

بدل ما تتواصل مع مشاعرها، تروح تاكل حاجة حلوة وتبطل عياط..

ايه علاقة ده بسلسلة اتجوز؟

تخيلوا كده طفل عنده ٦ سنين قال لأهله عايز اتجوز، ينفع؟

لأ.. 

ليه، لأنه محتاج يكون بالغ عاقل..

طيب هو فيه ناس سنها في البطاقة حاجة ونضوجها النفسي حاجة تانية..

يعني مثلًا راجل وفقًا لشهادة ميلاده سنه ٣٠ سنة وفي الحقيقة يتصرف كطفل عنده ٨ سنين..

بيغضب ويثور ويكسر ويشتم.. 

لو طلب حاجة واتأخرت أو ما حصلش علي اللي عايزه..

وفيه ست وفقًا لشهادة ميلادها عندها ٢٥ سنة 

وفي الواقع بتتصرف كطفلة عندها ٦ سنين 

جعانة استماع وطبطبة وأنها تتشاف وبتشحت كلمة اهتمام..

لأن طفلها الداخلي متألم وموجوع..

تخيلوا الإتنين دول يتجوزوا..

تخيل فرح لواحد عنده ٨ سنين وواحدة عندها ٦ سنين؟

كوميديا ساخرة طبعًا..

للأسف ده أحد الأسباب الجوهرية لتفكك البيوت دلوقتي ولزيادة نسبة الطلاق..

إن الزوجين شكلهم كبير انما الطفل الداخلي بتاع الزوج والطفل الداخلي بتاع الزوجة ماسكين في بعض..

خناق على تفاهات، دي لعبتي ولا لعبتك..

واحدة من اللي بيحضروا معايا ورش عمل بقدمها شاركتني ازاي نفسها تقدم دعم للمتزوجات 

وتعلمهم ازاي يتعاملوا مع المشكلات البسيطة جدًا، لأن الناس بقت بتتطلق على حاجات تافهة..

ممكن تتحل ببساطة..

طيب خلينا نرتبها..

• طفلة داخلية موجوعة، متخيلة ان زوجها هيلعب دور الأب والأم كمان ويعوضها احتياجاتها النفسية اللي اتحرمت منها

• زوجها، طفله الداخلي موجوع ومتخيل ان مراته هتلعب دور امه وتوفيه احتياجاته اللي اتحرم منها 

• اتجوزوا وكل واحد فيهم مش لاقي إشباع للإحتياجات دي

• بيغضب ويحزن ومش عارف اصلًا يتعامل مع مشاعره ازاي ولا يعبر عنها صح ولا يديرها صح

• يتخانق مع شريك حياته (طفلين في عراك مع بعض)

• يروح شغله مهموم وهي تقعد تشتكي 

• والناس تسخنها وتقول لها اوعي تسكتي له.. اعملي كذا وكذا

• وهو الناس تقول له ما هو الزواج نكد.. كان عليك من ده بإيه؟

• وتدور الأيام ولما يحتكموا للأهل، الأهل (كتير منهم للأسف) مفيش منهم رجل رشيد يعقلهم

• ولو فيه رجل رشيد.. ما هو الأطفال مش بيستوعبوا العقل والمنطق..

خاطبوا الناس على قدر عقولهم..

الراجل اللي نفسيًا عنده ٨ سنين محتاج حد يخاطب طفله الداخلي..

والست اللي عندها ٦ سنين محتاجة حد يخاطب طفلها الداخلي..

علشان يوصل الخطاب وتبقى الجوازة ناجحة بين ٢ عقلين..

عايز تتجوز؟

روح الأول تعامل مع طفلك الداخلي .. 

روحي طيبي الأول..

لو الأرض مش تمام والبذرة مش تمام ازاي نتوقع ان تطلع لنا ثمار طيبة؟

ولو متجوز؟

ركز كده في تصرفاتك انت بتتصرف كبالغ عاقل ولا كطفل؟

واللي قدامك بيتصرف كبالغ عاقل ولا كطفل..؟

وطبعًا بالذات بالذات مع زوجتك..

لو لاقيت نفسك مش تمام، عالج طفلك الداخلي..

هتستقيم علاقاتك في البيت والشغل والشارع..

واهم من اي شئ علاقتك بنفسك هتطيب..

ياللا مستني ايه؟

ابدأ ركز ولاحظ..

(الصورة دي صورتي وأنا طفلة.. الفرق واضح بين الطفل والبالغ العاقل)

 #اتجوز؟_٣٢

#الزواج

#اﻷسرة

#المجتمع

#السنة