الحياة والسعي والأثر..

ايام..شهور..سنين…

ونرحل ونمشي..ونسيب الدنيا..

هنسيب أثر..ولا زي ما جينا زي ما مشينا؟

باحلم..باحلم اسيب اثر قبل ما امشي..

باحلم اسيب للدنيا فريق مترابط ومتعاون ومتكامل..

كل فرد فيه إنسان عنده وعي عالي بملكاته وامكانياته وقدراته ومواطن قوته و تمّيزه.. 

كل فرد فيه إنسان.. متعاطف، مجتهد، متوازن، مخلص، معطاء، مبدع، رحيم، متفائل...

كل فرد فيه مؤمن ان له قيمة وإن بيه وبعطاءه هيعمل فرق في مجتمعه..

كل فرد فيه إنسان في سعي.. إخلاص انه يعيش حياة ملهمة يلمس بيها حياة غيره ويسيب بيها اثر 

انضم الى

مجتمع السيدات

وأنا طفلة قريت ان الأم مدرسة إذا اعددتها اعددت شعبًا طيب الأعراق…
ولما كبرت واتعاملت مع بنات وسيدات، عرفت انها مش الأم بس..
البنت والست والأم..
كل واحدة فيهم كائن اتخلق بكم عطاء بلا حدود..
كل واحدة فيهم عندها حب وتعاطف كبير جدًا…
منهم اللي عارفة ازاي تقود حياتها..
وتوزع الحب ده على نفسها وغيرها..
وتعيش حياتها سعيدة وتسيب اثر..
ومنهم اللي بتصارع في الحياة.. ما بين الجري والضغط وفقدان الحماس والإحباط..
كل واحدة فيهم نهر عطاء..
محتاج شوية توجيه وتدريب علشان يملا الدنيا خير وعطاء..
باعمل ايه؟ باقدم لهم كورسات وبرامج ورحلات وتجارب تساعدهم
يقودوا حياتهم… وينجحوا فعلًا مش كده وكده..
ويلمسوا حياة اللي حواليهم.. ويسيبوا اثر..