للشباب
برنامج the Bullet
ابنك بيضيع وقت كتير قوي من غير ما يعمل فيه حاجة مفيدة؟
بيسهر وينام متأخر وحياته متشقلبة؟
ساعات بيرد ردود بايخة فيها بعض التطاول او تعدي الحدود؟
بتحس انه بيتجاهل كلامك واحيانًا بيقصد يعاندك؟
اوقات بيكسر حاجات او بيأذي نفسه؟
كل شوية يطلب فلوس و مش مقدر تعبك علشانه؟
متلغبط و مش عارف يفكر؟
تايه ومش عارف يعمل ايه ولا ايه؟
الحل موجود و مضمون..
برنامج مخصوص علشانه، علشان المراهق من سن 14 إلى 19 سنة
يفهم فيه نفسه و طبيعة مرحلة المراهقة وازاي يقبل نفسه و يعدي المرحلة بنجاح و سلام
يتعلم مصادر الثقة ايه و استراتيجيات تساعده يثق في نفسه اكتر
يتعلم يسيطر على ردود افعاله و يتعامل باحترام مع غيره
يحدد اهدافه و يرتب اولوياته و يقود حياته باللي يناسب طبيعته
يفكر في مستقبله و يخطط ازاي يبدأ يتحرك في اتجاهه من دلوقتي
يدرك قيمة الوقت وأهمية استخدامه في انشطة تفيده دلوقتي و في المستقبل
يتعلم ازاي يتعامل مع التعليم والدراسة بشكل ايجابي
يفهم قيمة صحته ويتعلم يعمل اختيارات افضل علشان يحافظ عليها
يفهم دوره كفرد في العيلة وفي المجتمع وواجبه تجاه نفسه وغيره
البرنامج ده هيتحول فيه من إنسان تايه، ثقته في نفسه قليلة، علاقته بغيره متوترة، بيقلد من غير تفكير لإنسان بيقود حياته، عنده اهداف واحلام، عنده أمل في بكرة و عنده حماس انه يطور نفسه و بنفسه
اشتركى الأن
الورشة دي لمين
- لكل مراهق بيعاني من قلة ثقته بنفسه
- لكل مراهق بيتعرض للتنمر (Bullying) ومش عارف ولا قادر يدافع عن نفسه
- لكل مراهق حاسس ان فيه حاجات كتير ناقصاه بالرغم من انه ممكن يكون عنده امكانيات مادية عالية
- لكل مراهق مخنوق مش عارف يحدد هو عايز ايه في حياته و لا ازاي يختار دراسته في المستقبل
- لكل مراهق لغة الحوار بينه و بين اهله بقيت متوترة ومنحصرة في اللوم والعتاب والتوبيخ والتهديد
- لكل مراهق بيتصرف تصرفات طايشة او متهورة بدون ما يفكر في نتايج وعواقب تصرفاته
هدف البرنامج
هدف البرنامج انه يوفر على المراهق سنين طويلة من حياته هيقضيها تايه، بائس وعلاقته بأهله متوترة.
هدفه انه يساعده يقود حياته في الإتجاه اللي هيحقق له السعادة والنجاح.
غاية البرنامج انه يكتشف امكانياته وطاقاته ويستخدمها بشكل ايجابي يفيد بيها نفسه وغيره وبلده.
أمل البرنامج ان العلاقة بين المراهق واهله تتحسن ويتوجد بينهم لغة حوار بيسودها التفاهم
البرنامج مش حصص في مدرسة، دي ورش عمل، هنتعلم و نتكلم ونضحك ونبكي، ونتناقش ونفكر ونحلل وندور ونسأل ونرد..
دي اكتر من ورش عمل… دي مجموعة هينضم ليها المراهق يلاقي فيها مراهقين بيقودوا حياتهم زيه.. مراهقين عايزين يعملوا من نفسهم قصة نجاح، مراهقيين عايزين يسيبوا آثر، مراهقين بيتكلموا بلغة التطوير وبيفكروا تفكير ايجابي.
اشتركى الأن
اراء المشتركين
انا كنت تايهة في سن المراهقة…
كنت حاسة بعدم ثقة بنفسي، وكنت حاسة بوحدة رهيبة.
كنت مش لاقية حد يسمعني ولا يفهمني
كان واصلني رفض، رفض من أهلي ومن زمايلي ومن كتير من مدرسيني
اقتنعت وقتها ان المشكلة فيا.. وقضيت سنين في الم وغضب داخلي..
حبست مشاعري وكتمت افكاري،
سجنت نفسي جوا نفسي..
و فضلت تايهة لحد نص العشرينات
اكتر من عشر سنين من حياتي كنت مش عارفة ايه الهدف من وجودي
كنت مش مدركة امكانياتي
كنت فاكرة ان اقتناء الأشياء والخروج والفسح هو مصدر السعادة
ومهما اشتريت حاجات جديدة او اتفسحت كان بيفضل جوايا فراغ
لحد ما بدأت شغل مع المراهقين
شفت قدراتهم الجبارة في العمل لتحقيق أهداف
لمست رغبتهم المخلصة انهم يعيشوا حياتهم بشكل افضل
انبهرت بطاقاتهم وإمكانياتهم
و في 2006 و انا في سن الواحد وثلاثين عملت معاهم مشروع خدمة مجتمع
فزنا فيه بجايزة دولية
79 مراهق.. تفوقوا على مراهقين من دول تانية.. وفازوا
من يومها آمنت بقدراتهم ومن يومها وأنا مكملة المشوار معاهم….سنين طويلة مرت من وقت ما بدأت معاهم..
فهمت فيهم طبيعة المراهق، اللغة اللي تناسبه، الأمثلة اللي تحركه
القصص اللي تأثر فيه والدوافع اللي تخليه يتحرك ويقوم ويشتغل بمنتهى الحب والحماس
البرنامج ده مش علشان المراهق يقود حياته في فترة المراهقة بس، البرنامج هايمَكِنه من انه يقود حياته من فترة المراهقة لحد ما يتحول لطلقة.. طلقة مؤثرة مفيدة لغيرها، نافعة لمجتمعها، علاقتها طيبة باللي حواليها و أهم من اي شئ طلقة واثقة من نفسها ومحددة اهدافها.
البرنامج بينقسم على جزئين:
أولًا: ورشة عمل
ثانيًا: معسكر لمدة يوم واحد
إستثمار البرنامج 2500 جنيه شامل ورش العمل والمعسكر والانتقالات والأنشطة والأكل والمشروبات
والبرنامج بنقدمه مرة واحدة في السنة..والعدد محدود وباب الحجز بيتقفل باكتمال العدد..
مستني ايه؟
دوس هنا واضمن مكان
اشتركى الأن
