للسيدات
برنامج the Bullet
حاسة إنك تايهة ومش عارفة تعملي إيه فيه حياتك؟
وقتك بيضيع وعمرك بيجري و انت واقفة محلك سر؟
بقيتي مستسلمة للدنيا تحركك و تزقك و اتحولتي لمفعول بيه؟
قررتي تعيشي اليوم بيومه و اللحظة بلحظتها واللي يحصل يحصل؟
ولا العكس؟
عايشة مسحولة وسط لستة مهام وطلبات مش بتخلص؟
بتتهمي نفسك انك فاشلة في ادارة الوقت وانك عمرك ما بتعرفي تخططي ولا عمرك ما هتقدري تحققي اهداف؟
إدارة الوقت فكرة سيطرت علينا وآذيتنا أكتر مما نفعتنا
اغلبنا بقى زي الحلة البرستو من كتر الضغط عصبي وبيعاني
اللي بطلت تحلم او تحدد أهداف
و اللي انتابها اليأس من الموازنة بين الحياة الشخصية والنجاح العملي
انت مش لوحدك و الغلطة مش غلطتك
الغلطة غلطة الوقت اللي ’زي السيف اللي ان لم تقطعه قطعك’
طب و الحل؟
هاتعيشي متقطعة على طول و السيف عمّال يقطع فيك؟
اشتركى الأن
الحل موجود ومضمون..
برنامج هتتعلمي فيه
- تحددي أولوياتك وأهم أدوار في حياتك في الحاضر والمستقبل
- انك تغيري المفهوم الخاطئ اللي اتغرس فيك من طفولتك عن الوقتتتعلمي ازاي تستخدمي وقتك علشان تحققي أهدافك و أحلامك
- ازاي تخططي وتنظمي وقتك وتستخدمي الوقت الضايع باللي يناسب ظروفك انت واهتماماتك انت
- ازاي توازني بين الوقت اللي بتقضيه في الحاضر والماضي والمستقبل
- تكتشفي بتصرفي وقتك في ايه وتحولي الصرف لاستثمار مربح
- ممارسات تضمن لك الاستمرارية على المدى الطويل
و الأهم من ده كله تتعلمي تقودي ذاتك.. تعيشي مش بس تصحي.... تعيشي كإنسانة مش ماكينة، مش شبح في جسم بيأدي مهام..
الكورس والجروب اللي على الفيس بيكملوا بعض.. بيشكلوا برنامج يساعدك تتحولي من انسانة مضغوطة، بائسة ويائسة بسبب العمر اللي راح واللي يمكن يروح، لإنسانة متحمسة ونشيطة وايجابية بتطبيق اللي هاتتعلميه فيها
البرنامج ده لمين؟
- لكل واحدة صاحية انما مش عايشة.. ومش راضية عن حياتها..
- لكل واحدة نفسها تعمل اكتر بس وقتها مش مساعدها
- لكل واحدة حاسة بضغط عصبي بسبب العمر اللي بيعدي، وكتير منه بيعدي على "الفاضي"
- لكل إنسانة متلخبطة ومش عارفة تعمل ايه و لا إيه في حياتها
- لكل واحدة حاسة انها تايهة ومش عارفة هي في الدنيا دي ليه
- لكل ضحية من ضحايا الضغط او السكر اوالقاولون العصبي بسبب عامل نفسي
هدف البرنامج اننا نتعلم نستمتع بحياتنا
ونعشيها بمنهجنا احنا وباللي يسعدنا احنا.. اننا نخلي الوقت وسيلة لتحقيق احلامنا ونوقف الوقت عند حجمه ونمنعه إنه يضغط علينا او يتحكم فينا
من اهم مميزات البرنامج مجموعة الدعم… دي مجموعة هتنضمي ليها على الفيس بوك في جروب خاص..هتتساعدي فيها وتساعدي، علشان الاستمرارية..علشان ما تروحيش بعد الكورس تلهيكي الحياة وتنسي اللي اتعلمتيه ويروح في خبر كان وتنتهي بإنك خسرتي وقت وفلوس واتخنقتي من نفسك لأنك ما اشتغلتيش باللي اتعلمتيه
اشتركى الأن
اراء المشتركين
Ayaat Nassar
الورشة دي كانت نقطة فارقة في حياتي، عرفت نفسي أكتر، ساعديتني أرجع لفطرتي أكتر، اتعلمت إزاي أحسن علاقتي بالوقت ويبقى صديق مش كالسيف إن لم تقطعه قطعك، بقيت أهدى، الاستريس والضغط النفسي اللي معيشة نفسي فيه عرفت سببه إيه وإزاي أتخلص منه وأنا مستمتعة بالرحلة، وأكيد لما بقيت أهدى بقيت أم أفضل وزوجة أفضل وإنسانة أفضل. كنت خايفة بعد الورشة إني أنسى المعاني الحلوة اللي فيها لكن برنامج المتابعة 30 يوم شربنا المعاني كويس ولقيت ناس كتيرة شبهي في الكوميونتي الجميل وده زود قيمة الورشة جداً جداً
Youmna Gad
البرنامج ده life changing , الوعى و الادراك اللى الانسان بيكتشفه عن نفسه عظيم ، و اعظم و اكتر حاجة لمستنى فيه هو ال community اللى ايمان نجحت انها تخلقه من المشتركات فى البرنامج برنامج the bullet مختلف و متميز الcommunity بيكبر و احنا بنكبر و بنبقى اغنى معاه . ال clubs الدورية من اعظم الاجزاء كمان فى البرنامج ، العلم مش بيقف و لا بينقطع و بيبقى فيه متابعة معانا و مع تطورنا كمشتركات . البرامج اللى ايمان رفعت بتقدمها هى برامج مميزة و مختلفة و life changing . فى اعتقادى الخاص ان البرامج دي مش بس هتضيف لجودة حياة افرادها لكن احنا كمجتمع مصرى جودة حياتنا هتتغير
Alaa El Rafei
كورس ال BULLET Women عباره عن رحله وعي هو الكشاف اللي بيساعدك تشوفي جوه نفسك تطلعي الكنوز المدفونه فيك هو رحله تغيير وتطوير ووعي ايمان بالبرنامج بتاعها ساعدتني اني اكون اكثر سعاده اكثر تفاؤلا أكثر مرونة اكثر تقبلا اتعلمت اكون نسخه افضل مني ازاي افهمني اشوفني واحسني الكورس مش كلمتين حلوين سمعناهم وبس دة برنامج تطبيقي بتمشي في معانا يوم بيوم لمدة ٣٠يوم وبعدين شهر بشهر ومع بعض إلى أن يشاء الله
انا كنت ضحية من ضحايا الضغط العصبي…
أول ضريبة كانت تقصيري في الاهتمام بولادي في مرحلة من مراحل حياتي علشان ضغط شغلي … وفضلت اضغط على أعصابي لحد ما صوتي راح و مش بس كده، كمان جالي القاولون العصبي ومن يومها… دخلت معركتي مع الضغط و قررت اني اسعى لحياة متوازنة… اعيشها كإنسان مش طور في ساقية ولا شمعة تحترق.. قريت و بحثت و جربت و حاولت وطبقت وعدلت واختبرت وقيمت.. ووصلت لاكتشاف 6 أسرار لاستخدام الوقت بدون ضغط ولا جري، اسرار عدلوا موازيين حياتي وبيهم قدرت احقق حلمي من وأنا طفلة اني اكتب رواية وانا باشتغل مدرسة 5 أيام في الأسبوع و زوجة و أم.. و بفضل الله و الاستراتيجيات اللي اتبعتها قدرت ادير وقتي و أقود نفسي لتحقيق حلمي من غير ما اسيب أثر سلبي على عيلتي ولا على شغلي ومن غير ما احس بضغط ولا صحتي تتأثر…بالعكس، دي كانت من احلى الأوقات اللي عشتها.
الاستراتيجيات اللي هتتعلميها مش بس هتديري بيها وقتك ولا هتتخلصي من خلال من الضغط العصبي.. لا كمان هتقودي ذاتك ، هتحسي بالرضا عن نفسك والتوازن ووضوح الرؤيا و الحماس انك تصحى وتعيشي ايامك وتستمتعي بوقتك
بادري بالحجز لأن الأماكن محدودة،
كل سنة بنفتح الباب لعدد محدود ينضم لنا.. والباب بيتقفل بإكتمال العدد السنوي..يعني لو الأماكن اتاخدت هتستني شهور لحد ما باب الإشتراك يتفتح تاني
اوعي تستخسري في نفسك انك تعيشي..اوعى تختاري تبقى صاحية مش عايشة
للإشتراك دوسي هنا
والحقي مكانك معانا.. بناخد عدد محدود كل سنة..
يا ترى هتنضمي لنا السنة دي ولا هتقولي مرة تانية والتانية تجر خمسة ولاعشرة؟
دوسي ياللا وانضمي لنا..
الإشتراك ب 3000 جنيه مصري..
اشتركى الأن
