أنا إيمان… قارئة نهمة..

وقعت في حب الكتب من وأنا طفلة.. 

تختخ ولوزة والمغامرون الخامسة وكابتن ماجد كانوا من أكتر الأصدقاء إخلاصًا بالنسبة لي..

ولما كبرت عليهم روايات إحسان عبد القدوس ويوسف السباعي ونجيب محفوظ بقوا اصحابي الجداد..

ولما كبرت اكتر اتجوزت وخلفت وانقطعت عن القراءة لحد ما خبطت في حلزونة البيت والعيال والشغل والمسؤوليات..

وحسيت إني تعبانة… ومش سعيدة.. مش عايزة أكمل كده..

رجلي اخدتني مكتبة الديوان وجبت كتاب الرجال من المريخ والنساء من الزهرة والأطفال من الجنة..

وبدأت أقرأ - من غير ما اكون مدركة - في مجال التنمية البشرية..

ولاقيت انه كلام مهم.. ومش هاينفع اتعامل مع الكتاب زي الألغاز والمجلات ولا حتى الروايات..

وبدأت اطبق شوية من اللي في الكتاب… ولاقيت حاجات كتير تاهت واتنسيت..

وجبت كتاب بعده.. واتكرر الموضوع.. حاجات بتلمس معايا قوي.. واطبقها.. وحاجات حلوة إنما من كترها بتطير مني.. 

ولاقتني باجرب الخص الكتاب.. واطلع بملخصات اطول من الكتاب نفسه :) :)

وبدأت تاني.. وتالت ورابع وعاشر.. 

فى الكورس

المشترك بيتعلم:

- ازاي يختار الكتب اللي يقرأها  بوعى

- ازاي يحدد الكتاب المناسب له هو شخصيًا

- الأسباب اللي بتخليه يفقد الحماس لتكملة قراءة بعض الكتب التى بدأ فى قراءتها بالفعل

- ليه ساعات بيحس بعدم الرغبة بتاتًا فى القراءة

- ازاي يستفيد من كل كتاب يقرأه

- ازاي يلخص الكتب التى بيقرأها بإستخدام طرق مختلفة وسهل تنفيذها

- ازاي يصمم خرايط ذهنية بسيطة، ويستخدمها فى ممارسة محتوى الكتب فى حياته اليومية

- ازاي يحدد خطة محكمة من الكتب التى بيقرأها، من حيث التصميم، القابلية للتنفيذ ومدة التنفيذ 

الكورس مش محاضرة.. 

ده شرح عملي وتطبيقي للإستراتيجيات التسعة لتطبيق محتوى الكتب..

الكورس مش مفيد للناس اللي مش بتسعى تتعلم ولا تطبق ولا تتطور ولا تعلا بجودة حياتها..

الكورس طفرة نوعية كبيرة جدًا في حياة كل إنسان بيسعى يستخدم الكتب كوسيلة لتنمية نفسه والتأثير في الدنيا بشكل ايجابي وفعال..

- ازاي يراجع خطة العمل، ويقيم تقدمه في تنفيذها