برنامج
Turbo Brain
مش عارف تركز.. على طول حاسس بالإجهاد والإرهاق..
بتصحى من النوم تعبان..
وخلال اليوم محتاج مكيفات ومنبهات وقهوة وقهوة وقهوة كمان علشان تفوق..
حاسس انك مش تمام وعلى طول مقريف..
مزاجك متعكر وبتضغط على نفسك باصطناع ابتسامة مزيفة..
ولا الناس بقت بتتجنبك لأنك بقيت مصدر سم لهم ومش مستحملين عصبيتك..؟
ده مش حالك لوحدك.. ده حال ناس كتير..
وأنا كنت منهم..
كنت بارجع من شغلي على المطبخ وبعد الغدا اترمي علي الكنبة..
ساعات بتمر وانا ماعنديش طاقة..
وكانت بداية لمنعطف محموري في حياتي..
بعد الورشة بدأت انتبه للأكل اللي ممكن يزود الحمض في مخي..
وبدأت حاجة من اكتر الحاجات اللي باحبها.. بدأت اتعلم..
بدأت اتعلم عن المخ وازاي نغذيه علشان نعيش حياة افضل..حياة نعمل بيها فرق ونسيب اثر..اللي اتعملته في الأربعينات اتمنيت اني كنت اتعلمته في المدرسة او الجامعة..
اتعلمت اسرار عن المخ وازاي يشتغل احسن فيساعدني اتعلم احسن وابدع وافكر..
وبعد اربع سنين من التعلم والتطبيق ولمس اثر التطبيق على جودة حياتي الشخصية والعملية..
انتبهت إن للأسف نادرًا لما بنلاقي حد بيعلم المحتوى ده في المؤسسات التعليمية..
وإن اغلب الكورسات والدورات الحالية بتتناول التعامل مع المشكلة من جذر المشكلة..
عصبي ومكتئب؟ روح لمعالج نفسي… بدل ما يكون شوف مخك الأول وهل واصل له احتياجاته؟
عايز العربية تمشي من غير بنزين؟ ... لو العربية مافيهاش بنزين مش محتاج توديها للميكانيكي..محتاج تحط بنزين..
تفكير منطقي.. انما للأسف مش متعارف عليه..
لأن اغلب الأبحاث والمصادر عن المخ متوفرة بلغات اجنبية ومش منتشرة بالعربي..
وده كان الدافع ورا اني اقدم كورس التربو برين
كورس اون لاين يقدم ملخص ثري وقوي وعميق للي اتعلمته عن المخ وازاي نغذيه علشان ننجح و بفضل الله اطلقت الكورس
مع فريق من المتخصصين، كل واحدة في مجال تخصصها
اشترك الأن
في الكورس ده
هانتعلم عن موضوعات مختلفة مكملة لبعض:
1- هانتعلم عن اجزاء المخ المختلفة وادوارها مع "شيري رفعت"
2- هانتعلم عن علم النوم والتأثير المحوري للنوم على كفاءة المخ مع "نهى ايهاب"
3- هانتعلم عن التغذية اللي مخنا محتاج لها علشان نقود حياة صحية سليمة مخنا وعقلنا شغالين فيها بكفاءة مع "رحاب موافي"
4- هانتعلم عن الرياضة وتأثيرها المحوري على مخنا مع "إيمان رفعت"
5- هانتعلم عن التأمل وتأثيره على المخ وليه مخنا محتاج له مع "إيمان رفعت"
6- هانتعلم ازاي نحط خطة عمل لتطبيق محتوى الكورس في حياتنا وتحويله من علم لعمل مع "إيمان رفعت"
ناس كتير واقفة في حياتها
او مش متقدمة بالسرعة اللي نفسها فيها.. وللأسف متخيلة انها واقفة لأنها خايبة او مش شاطرة او ضعيفة
وكأنها ماسكة في الظاهر مش الجذر..
جذر المشكلة هو ان "المخ" تعبان
وبالتالي "العقل" مش شغال تمام
بدل ما تفضل تضيع وقت وانت فاكر انك كسول او فاشل او مش ذكي
امسك اول الخيط انبدأ بالمخ..بمخك..
افهمه نغذيه… وشوف قد ايه حياتك هاتفرق
ناس كتير بتخلط المخ والعقل..
أنا كنت واحدة منهم…
اشترك الأن
لحد ما درست واتعلم وفهمت
ان المخ حاجة والعقل حاجة تانية
المخ هو عضو في الجسم.. له خصائص ووظائف والأهم من كده احتياجات
أما العقل فدوره هو الفهم، الإدراك، الإبتكار، التفكير، التحليل، الإبداع، النقد، التخيل، الإعتقاد ودوره كمان هو الإحساس
المخ هو الجهاز المسؤول عن كل الأفعال الإرادية، واللا إرادية التي بتحصل في الجسم، زي الحركة، والنطق، والعواطف، وكمان هو اللي بينظّم عمل الحواس
المخ هو المسؤول.. ان ينظم الأفعال… انه ينظم كل وظيفة هيقوم بيها العقل..
بالتالي العقل معتمد على المخ
وزي ما اتعلمنا واحنا اطفال ان العقل السليم في الجسم السليم
مين أهم عضو في الجسم؟ مين المايسترو؟ هو المخ..
بالتالي علشان يكون عندنا عقل سليم محتاجين يكون عندنا مخ سليم
علشان نعقل محتاجين الأول نفهم ازاي مخنا يكون سليم.. وبعد كده نعقل
اراء المشتركين
Nedaa Riad
طول الوقت كنت حاسة إن طاقتي خلصانة و مش قادرة أعمل أي حاجة ومش عارفة إيه السبب وفعلا شعور مضايقني بعد الكورس عرفت ليه جسمي على طول وجعني بدأت في رحلة التغير بوعي وبمعلومة صح من أهل تخصص.... أحب أشكر وحدة وحدة من Coaches شيري ونهي ورحاب وإيمان على المجهود المبذول في تحضير المحتوى الأكثر من رائع للكورس والشرح الدقيق وتوصيل المعلومة بأبسط طريقة وبمنتهى الحب...بحبكوا وربنا يجزيكوا عني خير
Rana Atef
الكورس اسمه turbo brain بس انا حابة اسميه تربو تغيير لان الكورس بياخدنا في رحلة نعلي بيها كفاءة مخنا و نتعلم عنه اكتر فيوصل لانه يكون turbo brain بس في الحقيقة اللي بيحصلنا بيكون تربو تغيير الميزة في الكورس ده ان فيه كمية معلومات رهيبة بس طريقة تقديمها بسيطة جدا و سلسلة و ده هيخليكي قادرة تطبيقه بسهولة جدا من اكتر المعلومات اللي حفزتني في جزء النوم، اننا لما بنعلي من كفاءة نومنا بنقدر نوصل لمرحلة الاحلام و اللي فيها بينقدر نوصل لحلول كتيير من مشاكلنا اثناء النوم : بجد الكورس ده فرصة عظيمة للتغير و بيجمع كورسات كتيير في كورس واحد
Alyaa Nagd
بحب التكامل بين المواضيع والعلاقات والصحة ونظافة النوم والتمارين والتأمل. التكامل المذهل دة ساعدني في إلقاء نظرة عامة على ذهني. والجزء الأكثر روعة هو الخطة خطوة بخطوة التي ساعدت في رؤية الصورة الكاملة لنفسي في المستقبل والبدء من جديد بخطوات صغيرة لضمان النتائج..
كورس
The Turbo Brain
اساسي للإنسان اللي عايز يعيش حياة بصحة ونشاط..
ومن اهم مميزاته انه محتوى علمي عميق متقدم بشكل مبسط وبالعربي..
استثمار الكورس 2200 جنيه
للإشتراك دوس هنا...
اشترك الأن
